یہ بات اچھی طرح ذہن نشین کرلینی چاہیے کہ حضور نبی اکرم ﷺ کا ہر حکم شریعت اور آپ ﷺ کا ہر قول و عمل اِسلام ہے اور اس کی مخالفت کفر ہے۔ اسی لیے قرآنِ مجید میں آپ ﷺ کی نسبت یہ حکم وارد ہوا ہے: ’’اور جو کچھ رسول ( ﷺ ) تمہیں عطا فرمائیں اُسے لے لیا کرو اور جس سے تمہیں منع فرمائیں (اُس سے) رُک جایا کرو۔‘‘ (الحشر، 59 : 7)

قرآنِ حکیم کے بعد ہمارے لیے ہدایت و رہنمائی کا سرچشمہ سرورِ کائنات ﷺ کی احادیث مقدسہ ہیں جس کے مبلغ کے لیے رحمتِ عالم ﷺ نے خصوصی دعا فرمائی ہے: ’’اللہ تعالیٰ اُس مردِ مومن کو رونق و تازگی بخشے جس نے میری حدیث سنی، پھر اسے یاد رکھا اور بعینہ اُسے آگے پہنچایا۔‘‘ (جامع ترمذی)

چنانچہ حضور نبی اکرم ﷺ کی اِس مبارک دعا کا مصداق بننے اوردنیوی و اُخروی برکات سمیٹنے کے لیے ہر دور میں اَئمہ کرام نے اپنے اپنے ذوقِ علمی اور اس دور کی ضرورت کے مطابق مختلف موضوعات پر چالیس احادیث کے مجموعے مرتب کیے ہیں۔

شیخ الااسلام ڈاکٹر محمد طاہرالقادری مدظلہ العالی دور حاضر کے عظیم محدث، مجدد اورسچے عاشقِ رسول ﷺ ہیں۔ آپ پوری اُمتِ مسلمہ کو حضور نبی اکرم ﷺ سے محبت جیسی سعادت و نعمت سے آشنا کروانا وقت کی اہم ایمانی ضرورت سمجھتے ہیں۔ آپ شب و روز اسی فکر میں لگے رہتے ہیںکہ امت کا ہر فرد حضور نبی اکرم ﷺ کے کمالاتِ معنوی اور جمالِ ظاہری سے ذہناً اور قلباً وابستہ ہو جائے۔ علاوہ ازیں اللہ تعالیٰ نے آپ کو یہ امتیاز عطا فرمایا ہے کہ آپ نے اُمت کے ہر مرض کے اَسباب کی نہ صرف درست تشخیص کی بلکہ اس کا مناسب علاج بھی تجویز فرمایا۔ آپ نے دورِ جدید کے تقاضوں کو مد نظر رکھتے ہوئے عوام و خواص دونوں کی علمی و فکری رہنمائی اور عقیدہ و عمل کی پختگی کے لیے احادیث مبارکہ سے خوب استفادہ کیا اور 100 کے قریب چھوٹے بڑے مجموعہ ہائے احادیث مرتب کیے۔ زیرِ نظر مجموعۂ حدیث: ’انبیاء و رسل علیہم السلام کے فضائل و مناقب‘ میں انبیائے کرام علیہم السلام سے متعلق 161 احادیثِ مبارکہ مع اُردو ترجمہ و کامل تحقیق و تخریج اور ضروری شرح جمع کی گئی ہیں۔

فہرست

🔹 فصل 1 : امام الانبیاء سیدنا محمد مصطفی ﷺ کے مناقب کا بیان

🔹 فصل 2 : ابوالبشر حضرت آدم علیہ السلام کے مناقب کا بیان

🔹 فصل 3 : حضرت ادریس علیہ السلام کے مناقب کا بیان

🔹 فصل 4 : حضرت نوح علیہ السلام کے مناقب کا بیان

🔹 فصل 5 : حضرت ھود علیہ السلام کے مناقب کا بیان

🔹 فصل 6 : حضرت ابراہیم خلیل اللہ علیہ السلام کے مناقب کا بیان

🔹 فصل 7 : حضرت اسماعیل ذبیح اللہ علیہ السلام کے مناقب کا بیان

🔹 فصل 8 : حضرت اسحاق علیہ السلام کے مناقب کا بیان

🔹 فصل 9 : حضرت لوط علیہ السلام کے مناقب کا بیان

🔹 فصل 10 : حضرت یوسف علیہ السلام کے مناقب کا بیان

🔹 فصل 11 : حضرت ایوب علیہ السلام کے مناقب کا بیان

🔹 فصل 12 : حضرت یونس علیہ السلام کے مناقب کا بیان

🔹 فصل 13 : حضرت شعیب علیہ السلام کے مناقب

🔹 فصل 14 : حضرت موسیٰ کلیم اللہ علیہ السلام کے مناقب کا بیان

🔹 فصل 15 : حضرت ہارون علیہ السلام کے مناقب کا بیان

🔹 فصل 16 : حضرت داود علیہ السلام کے مناقب کا بیان

🔹 فصل 17 : حضرت سلیمان علیہ السلام کے مناقب کا بیان

🔹 فصل 18 : حضرت یحییٰ علیہ السلام کے مناقب کا بیان

🔹 فصل 19 : حضرت عیسیٰ روح اللہ علیہ السلام کے مناقب کا بیان

🔹 فصل 20 : انبیاء کرام علیہم السلام کے جامع مناقب کا بیان