یہ بات اچھی طرح ذہن نشین کرلینی چاہیے کہ حضور نبی اکرم ﷺ کا ہر حکم شریعت اور آپ ﷺ کا ہر قول و عمل اِسلام ہے اور اس کی مخالفت کفر ہے۔ اسی لیے قرآنِ مجید میں آپ ﷺ کی نسبت یہ حکم وارد ہوا ہے: ’’اور جو کچھ رسول ( ﷺ ) تمہیں عطا فرمائیں اُسے لے لیا کرو اور جس سے تمہیں منع فرمائیں (اُس سے) رُک جایا کرو۔‘‘ (الحشر، 59 : 7)
قرآنِ حکیم کے بعد ہمارے لیے ہدایت و رہنمائی کا سرچشمہ سرورِ کائنات ﷺ کی احادیث مقدسہ ہیں جس کے مبلغ کے لیے رحمتِ عالم ﷺ نے خصوصی دعا فرمائی ہے: ’’اللہ تعالیٰ اُس مردِ مومن کو رونق و تازگی بخشے جس نے میری حدیث سنی، پھر اسے یاد رکھا اور بعینہ اُسے آگے پہنچایا۔‘‘ (جامع ترمذی)
چنانچہ حضور نبی اکرم ﷺ کی اِس مبارک دعا کا مصداق بننے اوردنیوی و اُخروی برکات سمیٹنے کے لیے ہر دور میں اَئمہ کرام نے اپنے اپنے ذوقِ علمی اور اس دور کی ضرورت کے مطابق مختلف موضوعات پر چالیس احادیث کے مجموعے مرتب کیے ہیں۔
شیخ الااسلام ڈاکٹر محمد طاہرالقادری مدظلہ العالی دور حاضر کے عظیم محدث، مجدد اورسچے عاشقِ رسول ﷺ ہیں۔ آپ پوری اُمتِ مسلمہ کو حضور نبی اکرم ﷺ سے محبت جیسی سعادت و نعمت سے آشنا کروانا وقت کی اہم ایمانی ضرورت سمجھتے ہیں۔ آپ شب و روز اسی فکر میں لگے رہتے ہیںکہ امت کا ہر فرد حضور نبی اکرم ﷺ کے کمالاتِ معنوی اور جمالِ ظاہری سے ذہناً اور قلباً وابستہ ہو جائے۔ علاوہ ازیں اللہ تعالیٰ نے آپ کو یہ امتیاز عطا فرمایا ہے کہ آپ نے اُمت کے ہر مرض کے اَسباب کی نہ صرف درست تشخیص کی بلکہ اس کا مناسب علاج بھی تجویز فرمایا۔ آپ نے دورِ جدید کے تقاضوں کو مد نظر رکھتے ہوئے عوام و خواص دونوں کی علمی و فکری رہنمائی اور عقیدہ و عمل کی پختگی کے لیے احادیث مبارکہ سے خوب استفادہ کیا اور 100 کے قریب چھوٹے بڑے مجموعہ ہائے احادیث مرتب کیے۔ زیرِ نظر مجموعۂ حدیث ’’بارگاہ الٰہی سے تعلق بندگی‘‘ کے موضوع پر مشتمل ہے، اس میں اللہ تعالیٰ کی محبت، تعلق، عبادت اور اخلاص سے متعلق 151 احادیث جمع کی گئی ہیں۔
فہرست
🔹 فصل 1 : قرآن مجید میں اللہ تعالیٰ سے تعلق بندگی کا بیان
🔹 فصل 2 : اللہ سے محبت اور تعلق بندگی کا بیان
🔹 فصل 3 : اعمال کا دار و مدار نیتوں پر ہونے کا بیان
🔹 فصل 4 : دنیا سے بے رغبتی کا بیان
🔹 فصل 5 : سچائی اور اخلاص کا بیان
🔹 فصل 6 : اللہ عزوجل کیلئے محبت کرنے کے ثواب کا بیان
🔹 فصل 7 : اللہ عزوجل کے بارے میں حسن ظن رکھنے کا بیان
🔹 فصل 8 : اللہ کے ذکر کی فضیلت کا بیان
🔹 فصل 9 : اللہ عزوجل کے خوف سے رونے کا بیان
🔹 فصل 10 : رات کو قیام کرنے کی فضیلت کا بیان
🔹 فصل 11 : قناعت اختیار کرنے اور لالچ سے بچنے کا بیان
🔹 فصل 12 : توبہ اور استغفار کا بیان
🔹 فصل 13 : نفلی نمازوں کی فضیلت کا بیان
🔹 فصل 14 : نفلی روزوں کی فضیلت کا بیان
🔹 فصل 15 : اذکار و تسبیحات کا بیان
The Quran 
Imaniyat o Ibadiyat 
Itiqadiyat (Science of Beliefs) 
Sirat o Fazail 
Khatm e Nubuwwat o Taqabul e Adyan 
Fiqhiyat 
Akhlaq o Tasawwuf 
Awrad and Wazaif 
Economics 
Ideologies 
Constitutions and Legislative Practices 
Celebrities and Luminaries 
Islam and Science 
Peace, Love and Counter-Terrorism 
