تحریک منہاج القرآن کا یہ امتیاز بلاشبہ اس دورِ فتن میں ایک جذبۂ عمل کی صورت میں محسوس کیا جاچکا ہے کہ یہ تحریک حقیقی معنوں میں رسول نما تھریک کے طور پر آگے بڑھ رہی ہے۔ اس کے توسط سے بدعقیدگی کا پھیلتا ہوا سیلاب نہ صرف رکا ہے بلکہ ہر طبقۂ زندگی کے لوگ عشق و محبتِ رسول ﷺ کی متاعِ گراں بہا سے اپنے عقیدہ و عمل کو منوّر کر رہے ہیں۔قائدِ تحریک نے نسبتِ مصطفوی ﷺ کی اہمیت و افادیت مضبوط علمی دلائل کے ساتھ قلوب و اذہان میں راسخ کی ہے۔ ان ایمان افروز عملی سرگرمیوں میں سرفہرست حضرت شیخ الاسلام ڈاکٹر محمد طاہرالقادری کے خطابات اور کتب ہیں۔ خاص طور پر ہر سال ماہِ میلادِ رسول ﷺ (ربیع الاوّل) کے ایک ایک دن اور ایک ایک رات کو جس طرح کو جس طرح مسرت و امتنان کے جشن کا اہتمام کیا جاتا ہے اس سے قائدین و کارکنان کے جذبوں کی صداقت پورے ماحول کو منور کر دیتی ہے۔ یہ سلسلہ اب پاکستان کے چھوٹے بڑے شہروں اور قصبوں سے نکل کر اطراف و اکنافِ عالم میں پہنچ گیا ہے۔ ان محافلِ ذکر و نعمت کے ساتھ ساتھ گوشۂ درود شریف کی مجالس کا مقدس سلسلۂ رنگ و نور بھی کوبہ کو پھیل رہا ہے۔

فضائل کی کتب میں حسبِ ذوق اکابر علماء اور تصوف کی کچھ کتب میں بعض صوفیاء و عرفاء نے مقامِ محمود پر عرفانی تفاسیر بیان کی ہیں۔ اس طرح مفسرین کرام نے بھی آیتِ مذکورہ کے تحت احادیث اور آثار کو درج کیا ہے۔ لیکن یہ دلائل اور نکات یک جا نہیں تھے۔ اللہ تعالیٰ نے اس اہم موضوع پر اپنے بندۂ خاص حضرت شیخ الاسلام ڈاکٹر محمد طاہرالقادری کو ہی اس توفیق سے سرفراز فرمایا۔ اللہ تعالیٰ اس کاوش کو شرفِ قبولیت سے نوازے اور مزید نفع بخش بنائے۔ آمین

فہرست

🔹 آیت مبارکہ کے تفسیری نکات

🔹 مقام محمود کے معانی کا اجمالی بیان

🔹 مقام محمود کے معانی کا تفصیلی بیان